پەیکەرساز 'دیار زاخۆلی': ژ بەری پەیامەکێ دکەمە هۆنەر

ل گەلەرییا نیشتیمانی، پەیکەرسازێ گەنج 'دیار زاخۆلی' پێشانگەهەکا تایبەت ب بەرهەمێن خۆ ڤەکر کو بوویە جهێ حێبەتبوونا هۆنەردۆستان. کارێن وی، کو پتریا جاران ژ بەر و ئاسنی دهێنە چێکرن، بەحس ل ئازار و هیڤیێن مرۆڤی دکەن. د ئێک ژ کارێن خۆ یێن بەرچاڤ دا، وی پەیکەرێ دەستەکێ مەزن چێکریە کو ژ ناڤا خرابەیان دەردکەڤیت، وەک هێمایەک بۆ ژیانێ پشتی ژناڤچوونێ. دیاری د داخویانیەکێ دا گۆت: "هۆنەر بۆ من بتنێ جوانی نینە، بەلکو رێکەکە بۆ گەهاندنا پەیامان. ئەز هەول ددەم ب رێکا کارێن خۆ، بینەری بێخمە د هزکرنێ دا لسەر کێشەیێن مرۆڤایەتیێ." بکارئینانا وی یا زیرەکانە بۆ رووناهی و سیبەرێ، کووراتیەکا تایبەت ددەتە پەیکەرێن وی. ئەڤ پێشانگەهە بەلگەیەکە لسەر بلندبوونا ئاستێ هۆنەرێ پەیکەرسازیێ ل کوردستانێ و دەرکەفتنا نڤشەکێ نوو یێ هۆنەرمەندێن خودان شیان.