رێکخراوێن جڤاکێ سڤیل داخوازا یاسایەکا نوو بۆ پاراستنا مافێن زارۆیان دکەن

چەندین رێکخراوێن جڤاکێ سڤیل د بەیاننامەیەکا هەڤپشک دا داخواز ژ پەرلەمانێ کوردستانێ کرن کو یاسایەکا نوو و توندتر بۆ پاراستنا مافێن زارۆیان دەربکەن. د بەیاننامێ دا هاتیە کو یاسایا نوکە کێماسی تێدانە و نەشێت ب تەمامی زارۆیان ژ توندوتیژی و کارپێکرنا نەیاسایی بپارێزیت. چالاکڤانەکا ڤی بواری گۆت: "پێدڤیە ئەم پاشەرۆژا وەلاتێ خۆ بپارێزین، و پاشەرۆژا مە زارۆیێن مەنە. divêt یاسایەک هەبیت کو سزایێن گران لسەر وان کەسان بسەپینیت یێن کو مافێن زارۆیان بنپێ دکەن." وان هەروەسا داخوازا زێدەکرنا هشیارییا جڤاکی کر لسەر گرنگیا پەروەردەیەکا ساخلەم و ژینگەهەکا ئارام بۆ گەشەکرنا زارۆیان. ئەڤ داخوازە د دەمەکێ دایە کو چەندین راپۆرت بەحس ل زێدەبوونا حالەتێن توندوتیژیێ دژی زارۆیان ل چەند دەڤەرێن هەرێمێ دکەن.