نرخێ زێڕی د بازاڕێن هەرێمێ دا بلندبوونەکا بەرچاڤ بخۆڤە دبینیت

د حەفتیا بۆری دا، نرخێ زێڕی د بازاڕێن هەرێما کوردستانێ دا ب رێژەیەکا بەرچاڤ بلند بوو. زێرنگرێن ناڤا بازاڕی ئاماژە ب وێ چەندێ دکەن کو ئەگەرێ سەرەکی یێ ڤێ بلندبوونێ ڤەدگەریت بۆ گوهۆرینێن نرخێ جیهانی و هەروەسا زێدەبوونا خواستا نافخۆیی. شارەزایەکێ ئابووری دبێژیت: "نرخێ زێڕی هەرتم ب سیاسەتێن ئابووری یێن جیهانی ڤە گرێدایە. هەر گوهۆرینەک د نرخێ دۆلاری دا راستەوخۆ کاریگەریێ ل سەر زێڕی دکەت." ژ ئالیەکێ دیڤە، گەلەک وەلاتی زێڕی وەک ئامرازەکێ پاراستنا بهایێ پارێ خۆ دبینن، کو ئەڤە ژی دبیتە ئەگەرێ زێدەتربوونا خواستا لسەر کریارا وی. چاڤەرێیە کو ئەڤ بلندبوونە بۆ دەمەکێ بەردەوام بیت، لەوا شارەزا شیرەتان ل وەلاتیان دکەن کو ب هشیاری مامەلەیێ دگەل بازاڕی بکەن و ل دەمێ گونجای وەبەرهێنانێ بکەن.